Փիթ Դևիդսոնը և Էմիլի Ռատակովսկին Նյու Յորքում միասին ներկա են գտնվել «Մեմֆիս Գրիզլիսի» և «Նյու Յորք Նիքսի» բասկետբոլային խաղին: Աստղերն առաջին անգամ են հայտնվել հանուրի առաջ՝ իրենց սիրավեպի մասին լուրերի ֆոնին: Այս մասին հայտնում է Daily Mail-ը։
Կատակերգու դերասանն ու մոդելը նստել են կողք-կողքի և ամբողջ հանդիպման ժամանակ ժպտացել միմյանց։
Ավելի վաղ պապարացիները հասցրել էին զույգին միասին լուսանկարել Էմիլիի բնակարանի մոտ։ Ռատայկովսկին դուրս էր եկել փողոց, հանդիպել Դևիդսոնին, սակայն, երբ փողոցում տեսել էր պապարացիներին, վերադարձել էր բնակարան, իսկ Դևիդսոնը հեռացել էր։
Թոփ մոդելի և կատակերգուի սիրավեպի մասին լուրերը շրջանառվում են 2022 թվականի նոյեմբերի կեսերից։ Ինչպես նշում են ինսայդերները, Դեյվիդսոնը «Էմիլիին ստիպում է ժպտալ», «նրան դուր է գալիս, որ նա խելացի է»:
Մի քանի ամիս առաջ հայտնի էր դարձել Ռատակովսկին բաժանվել էր կինոպրոդյուսեր Սեբաստիան Բիր-ՄաքՔլարդից՝ չորս տարվա ամուսնությունից հետո։ Զույգը մեծացնում էր մեկ տարեկան որդուն՝ Սիլվեսթրին։ Հումորիստն իր հերթին բաժանվել է Քիմ Քարդաշյանից՝ իննամսյա սիրավեպից հետո։
