Ամուրի մարզում հաջողությամբ ավարտվել են տայգայում անհետացած 12-ամյա Տոլյա Պուտիլինի որոնումները։ Այս մասին հայտնում են Արտակարգ իրավիճակների նախարարության մարզային վարչությունից, հայտնել է Pravilameg-ը։
Հունիսի 24-ին տղան հոր ու հորեղբոր հետ գնացել է անտառային տնակ, որն իր ընտանիքն օգտագործում է որսի համար։ Երեք օր անց երեխան ետ է մնացել մեծերից ու մոլորվել, իսկ հայրն ու հորեղբայրն ինքնուրույն չեն կարողացել գտնել Տոլյային ու դիմել են Արտակարգ իրավիճակների նախարարություն։
Տղան գրեթե մեկ օր է անցկացրել տայգայում։ Նրա որոնողական աշխատանքներն իրականացվել են օդային, ջրային և ցամաքային ճանապարհով, այդ թվում՝ ուղղաթիռի, անօդաչու թռչող սարքերի և նավակների օգնությամբ։ Արտակարգ իրավիճակների նախարարության աշխատակիցները և որոնողափրկարարական «Ամուր» և «Թանդեր» խմբերի կամավորները մտավախություն ունեին, որ անտառում կենդանիները կարող են հարձակվել տղայի վրա։ Տոլյան ապաստանած վայրից 700 մետր հեռավորության վրա հայտնաբերել են որջ՝ այս ընթացքում չափազանց ագրեսիվ արջով և ձագերով։
Տայգայում երեխային ողջ մնալու համար օգնել է անծանոթ շունը, որին նա հանդիպել է թփերի մեջ։ «Տայգայի խորքերում կան մեղվանոցներ, որոնք պահպանում էր այս շունը։ Նա զգաց տղայի հոտը և եկավ նրա մոտ։ Այսպիսով, նա փրկեց նրա կյանքը։ Վայրի կենդանիները, զգալով շանը, չեն գնացել երեխայի մոտ։ Նա պարզապես պառկեց տղայի կողքին, չհեռացավ։ Նա քնում էր դրա վրա թփի տակ, մինչև գտան նրան», – ասել է կամավոր Օլգա Վերետելնիկը:
Որոնողական աշխատանքները բարդացել են տեղանքի անմատչելիության և հորդառատ անձրևի պատճառով։ Տոլյային հայտնաբերելով՝ փրկարարները կերակրել և ջուր են տվել նրան, այնուհետ հանձնել բժիշկներին՝ հետազոտության։ Ընդհանուր առմամբ, երեխան լավ է եղել։
