Wildberries-ի Սանկտ Պետերբուրգի պահեստային համալիրում հրդեհ է բռնկվել, փլուզման մակերեսը կազմել է մոտ 50 հազար քառակուսի մետր, ՏԱՍՍ-ի փոխանցմամբ՝ հայտնում է ՌԴ ԱԻՆ քաղաքի մամուլի ծառայությունը։
«350 x 320 մ, 20 մ բարձրությամբ պահեստային համալիրում հրդեհ է բռնկվել 50.000 քառ. մետր տարածքում։ Զոհեր և վիրավորներ այս պահին չկան»,- ասվում է հաղորդագրության մեջ։
Մոսկվայի ժամանակով ժամը 09:30-ին հրդեհը բարձրացվել է բարդության 5-րդ աստիճանի: Ավելի ուշ վարչությունը հայտնել է, որ հրդեհն ընդգրկել է 70 հազար քմ տարածք։
Օպերատիվ ծառայությունները պարզաբանել են, որ փլուզման տարածքը կազմել է մոտ 50 հազար քառակուսի մետր։
Wildberries առցանց ռիթեյլերի մամուլի ծառայությունը հաստատել է, որ պահեստը պատկանում է ընկերությանը։ Նրանք նաև ավելացրել են, որ վաճառողներին կփոխհատուցվի ապրանքի ինքնարժեքը։
