Գերմանիայում Հիտլերի ժամանակներից ի վեր առաջին անգամ աջ ազգայնականները հաղթել են ընտրություններում

Գերմանիայում Հիտլերի ժամանակներից ի վեր առաջին անգամ աջ ազգայնականները հաղթել են ընտրություններում, գրում է Meduza-ն։ 

Ըստ աղբյուրի՝ Գերմանիայի դաշնային միավոր Թյուրինգիայի Լանդթագի (տարածաշրջանային խորհրդարան) ընտրությունների արդյունքում «Այլընտրանք Գերմանիայի համար» կուսակցությունն առաջատար է ձայների 33,5%-ով, պահպանողական «Քրիստոնեա-դեմոկրատական ​​միությունն» ունի 24,5%, իսկ ձախ պոպուլիստական «​​Սառա Վագենկնեխտ» դաշինքը՝ 14,5%։ 

Սաքսոնիայում, որտեղ նույնպես անցկացվել են Լանդթագի ընտրություններ, նախնական տվյալներով «Քրիստոնեա-դեմոկրատական ​​միությունը» հավաքել է 32%, «Այլընտրանք Գերմանիայի համար»՝ 31,5%, «Սառա Վագենկնեխտ» դաշինքը՝ 11,5%: 

Քվեների ուղղակի հաշվարկի առաջին արդյունքների համաձայն՝ «Այլընտրանք Գերմանիայի համար» Թյուրինգիայում ստացել է ձայների 33,2%-ը, իսկ 31,4%-ը՝ Սաքսոնիայում։

Նշվում է, որ «Այլընտրանք Գերմանիայի համար» կուսակցության  հաղթանակը պատմության մեջ առաջինն է։ Նախորդ մի քանի շրջանային ընտրություններում կուսակցությունն զբաղեցրել էր երկրորդ տեղը։ Սա ծայրահեղ աջերի առաջին հաղթանակն է նման բարձր մակարդակի ընտրություններում՝ Նացիստական ​​Գերմանիայից հետո: