ԱՄՆ նախագահ Ջո Բայդենը թույլատրել է ATACMS բալիստիկ հրթիռներով հարվածել ՌԴ տարածքում, գրել է ՏԱՍՍ-ը՝ հղում անելով՝ The New York Times-ին։
Ըստ Le Figaro թերթի, Ֆրանսիան և Մեծ Բրիտանիան նույնպես թույլատրել են հարվածներ հասցնել Ռուսաստանի տարածքի խորքում իրենց հեռահար զենքերով։
NYT-ի հաղորդմամբ, որոշումն ընդունվել է Վաշինգտոնում իշխանափոխությունից ընդամենը 2 ամիս առաջ և հանդիսանում է «ԱՄՆ քաղաքացիության լուրջ փոփոխություն»:
«Ամերիկայի նախագահի խորհրդականների կարծիքներն այս հարցի շուրջ կիսվել են։ Հրթիռներն ամենայն հավանականությամբ կկիրառվեն ՌԴ և ԿԺԴՀ զինվորականների դեմ «Կուրսկի մարզում ուկրաինական զորքերի պաշտպանության համար»», գրել է The New York Times-ը։
Պենտագոնը չի մեկնաբանել ՌԴ տարածքի վրա ԱՄՆ զենքերով հարվածներ թույլատրելու որոշումը։ «Տվյալ պահին մենք հրաժարվում ենք մեկնաբանել»- ՏԱՍՍ-ի թղթակցին հայտնել է Պենտագոնի ներկայացուցիչը։
