Skims բրենդի հիմնադիր, ռեալիթի հեռուստաաստղ Քիմ Քարդաշյանը նոր ընկեր ունի, որի անունը գաղտնի է պահում, այս մասին հայտնել է Daily Mail-ը։
Ըստ հրապարակման՝ Քարդաշյանն «սկսել է հանդիպել տղամարդու հետ և դա գաղտնի է պահում»։ Կայքի տեղեկություններով՝ Քիմն ասել է, որ հաջորդ մարդը, ում հետ հարաբերություններ կսկսի, չի ասոցացվի մեդիա ոլորտի հետ»։
Կայքը հիշեցրել է, որ 8 ամիս է ինչ Քարդաշյանը բաժանվել է ֆուտբոլիստ Օդել Բեքհեմ կրտսերից։ Բաժանվելուց հետո Քարդաշյանը կենտրոնացած էր դերասանական կարիերայի և երեխաների դաստիարակության վրա։
Քիմն ունի չորս ժառանգ, որոնք ծնվել են Քանյե Ուեսթի հետ ամուսնությունից՝ դուստր Նորթ, որդի Սեյնթ, դուստր Չիկագո, որդի Փսալմ։ Օդելի հետ հարաբերությունների ընթացքում Քիմը մտածում էր հինգերորդ երեխա ունենալու մասին, սակայն դա իրականություն չդարձավ։
