ԵՄ 13 երկրի ԱԳ նախարարները կոչ են արել պատվաստանյութեր հատկացնել ՀՀ-ին

«Մենք Եվրոպական հանձնաժողովին կոչ ենք անում ստեղծել աջակցության մեխանիզմ, ինչպիսին արդեն գործում է Արևմտյան Բալկանների երկրների համար: Մենք պետք է դյուրացնենք կորոնավիրուսի պատվաստանյութերի ձեռքբերումը Արևելյան գործընկերության երկրների համար»,- ասված է նամակում:

Եվրոպական հանձնաժողովին ուղղված նամակը ստորագրել են Արևմտյան Եվրոպայի բոլոր երկրների, ինչպես նաև Շվեդիայի, Դանիայի և Ֆինլանդիայի արտգործնախարարները:

Ավելի ուշ ԵՀ-ն հաստատել է ԵՄ 13 երկրների ԱԳ նախարարների նամակի ստացումը և կպատասխանի դրան, երբ ժամանակը գա:

Այս մասին Բրյուսելում ճեպազրույցի ժամանակ հայտարարել է Եվրահանձնաժողովի պաշտոնական ներկայացուցիչ Անա Պիզոնյերոն։

Արևելյան գործընկերության երկրների ղեկավարների պլանային գագաթնաժողովը նախատեսված էր 2021 թվականի մարտին, սակայն, հաշվի առնելով համաճարակաբանական իրավիճակը, կարող է հետաձգվել մինչև ամառ: