Բնապահպանության նախկին նախարար, ԱԺ նախկին պատգամավոր Վարդան Այվազյանին ձերբակալելու որոշման դեմ բողոք է ներկայացվել։ Այս մասին հայտնում է պաշտպան Միհրան Պողոսյանը։
«Վարչապետի օծանելիքի հափշտակության դեպքի առթիվ իշխանության յուրացման հոդվածով հարուցված քրեական գործով Վարդան Այվազյանին ձերբակալելու իրավաչափության դեմ բողոքը քննվելու է այսօր ժամը 16։00֊ին Կենտրոն նստավայրի դատավոր Արտակ Թադևոսյանի վարույթում։
Համոզված եմ ԱԱԾ֊ն ամեն ինչ անելու է` այդ թվում ապօրինություններ, կալանավորումը որպես խափանման միջոց կիրառելու միջնորդություն ներկայացնելու համար` դրանով իսկ նպաստելով վարչապետի պաշտոնավարման երկարացմանը…»,- գրում է Վարդան Այվազյանի փաստաբան Միհրան Պողոսյանը:
Ինչպես արդեն տեղեկացրել ենք՝ երեկ ԱԱԾ աշխատակիցները Վարդան Այվազյանի բնակարանում խուզարկություն են իրականացրել, ապա, ԱԱԾ-ում քննվող քրեական գործի շրջանակներում` ձերբակալել նրան։
