Հայաստանն ավելի քան 3 տոննա մարդասիրական օգնություն է ստացել Լեհաստանի կառավարության կողմից՝ 2020 թ․ պատերազմի հետևանքով երկրում ժամանակավոր բնակություն հաստատած արցախցիներին տրամադրելու նպատակով։ Այս մասին հայտնել է ՀՀ աշխատանքի և սոցիալական հարցերի նախարարությունը։
«Լեհաստանից ուղարկված հումանիտար օգնությունն, ըստ անհրաժեշտության, կբաշխվի պետական հոգածության կացարաններում ապրող արցախցիներին։
Աշխատանքի և սոցիալական հարցերի նախարարի առաջին տեղակալ Տաթևիկ Ստեփանյանը շնորհակալություն է հայտնել ՀՀ-ում Լեհաստանի Հանրապետության արտակարգ և լիազոր դեսպան Պավել Չեպլակին՝ հումանիտար օգնության կոչին արձագանքելու համար և նշել, որ նախարարությունը հետամուտ կլինի, որպեսզի արցախցիներին հասցեագրված առաջին օգտագործման պարագաների բաշխումն իրականացվի կարիքին համապատասխան և օպերատիվ»,- ասված է հաղորդագրության մեջ։