Պապիկյանը Պենտագոնի փոխղեկավարի հետ քննարկել է Ադրբեջանի հետ սահմանին տիրող իրավիճակը և պաշտպանական ոլորտում համագործակցությունը

ՀՀ պաշտպանության նախարար Սուրեն Պապիկյանը հեռախոսազրույց է ունեցել ԱՄՆ պաշտպանության նախարարի քաղաքական հարցերով տեղակալ Քոլին Քահլիի հետ։

Ինչպես հայտնում է ՀՀ ՊՆ մամուլի ծառայությունը, հեռախոսազրույցի ընթացքում կողմերը քննարկել են հայ-ադրբեջանական սահմանին և տարածաշրջանային անվտանգությանը վերաբերող հարցեր։

Քննարկվել է նաև հայ-ամերիկյան պաշտպանական համագործակցության զարգացման շուրջ Պապիկյանի և Քահլիի միջև 2022 թվականի սեպտեմբերին ԱՄՆ կատարած այցի ընթացքում ձեռք բերված պայմանավորվածությունների իրականացման ընթացքը, ասվում է զեկույցում։

Այսօր ԱՄՆ պաշտպանության փոխնախարարը հեռախոսազրույց է ունեցել նաև Ադրբեջանի պաշտպանության նախարար Զաքիր Հասանովի հետ։ Ադրբեջանական լրատվամիջոցների փոխանցմամբ՝ Հասանովն ու Քահլին քննարկել են տարածաշրջանում ստեղծված իրավիճակը, անվտանգության հարցերը, ինչպես նաև Ադրբեջանի և ԱՄՆ-ի միջև ռազմական համագործակցության զարգացման հեռանկարները։