Երևան-Էջմիածին-«Զվարթնոց» օդանավակայան ճանապարհահատվածում բազմաթիվ ոստիկաններ են ծառայություն իրականացնում: Խուզարկվում են ավտոմեքենաները: Արդեն մոտ երկու ժամ է փողոցներում մեծ խցանումներ են:
Ոստիկանության լրատվական ծառայությունից, ՀԺ-ի հարցին ի պատասխան, տեղեկացրին, որ Ոստիկանությունը Երևանում իրականացնում է ուժեղացված ծառայություն: Այլ մանրամասներ ոստիկանությունը չի տեղեկացրել:
Ֆեյսբուքյան տարբեր օգտատերերի գրառումներից պարզ է դառնում, որ մարզերից Երևան մտնող և Երևանից դուրս եկող մեքենաները ևս ստուգվում են: Մասնավորապես նշվում է Աշտարակի մայրուղու խցանված լինելը: