Հայաստանում ԵՄ դիտորդական առաքելությունն ուժեղացրել է պարեկությունը Գեղարքունիքի և Սյունիքի մարզերի սահմանամերձ գոտիներում, հայտնում է առաքելության մամուլի ծառայությունը X սոցիալական ցանցում (նախկինում՝ Twitter):
«Մեր ներկայությամբ մենք նպատակ ունենք ներդրում ունենալ լարվածության թուլացմանը և իրավիճակի անաչառ լուսաբանմանը», – ասվում է հաղորդագրության մեջ:
Սեպտեմբերի 1-ին հայ-ադրբեջանական սահմանին լարվածության նոր փուլ է սկսվել՝ ադրբեջանական զինուժը գնդակոծել է Գեղարքունիքի մարզի Սոթքի և Նորաբակի հայկական դիրքերը։ Հայաստանի պաշտպանության նախարարությունը հայտնել է հրետակոծության հետևանքով երեք զոհի և մեկ վիրավորի մասին։
Սեպտեմբերի 5-ին Հայաստանում ԵՄ դիտորդական առաքելությունը Բրյուսելին զեկուցել է Ադրբեջանի հետ սահմանային լարվածության մասին։ Հաջորդ օրը Եվրամիությունը կոչ արեց Բաքվին և Երևանին խուսափել միջադեպերից և վերադառնալ երկխոսության։