IT ոլորտի շատ փոքր տոկոսն է զբաղվում Հայաստանի համար ռազմավարական նշանակության ունեցող պրոդուկտներով, 99 տոկսոը զբաղված է այլ երկրների բարեկացեության բարձրացմամբ։
Այս մասին «Հանրային» հ/ը եթերում հայտարարել է Առաջատար տեխնոլոգիաների միության գործադիր տնօրեն, Բարձր տեխնոլոգիական արդյունաբերության նախկին նախարար Հայկ Չոբանյանը։
«Երբ որ մենք խոսում ենք ռազմական արդյունաբերության մասին, դա շատ քիչ է վերաբերում ինժեներիային։ Հայաստանի համար շատ կարևոր են բարձր տեխնոլոգիական արդյունաբերական արտադրանք տալը։ Երբ որ պատերազմ լինի, մենք օրինակ, պետք է կարողանանք արկ արտադրել»,-նշեց նա։
Չոբանյանը տեղեկացրել է, որ 2022 թվականին Հայաստանում ստարտափների աննախադեպ աճը պայմանավորված է մի շարք գործոններով: Նախ՝ 2017 թվականին ընդունվեց IT ընկերություններին հարկային արտոնություններ տրամադրող իրավական ակտը, ինչի շնորհիվ վերջին տարիներին Հայաստանն այս ոլորտում լուրջ հաջողությունների է հասել։
Մյուսն, ըստ Չոբանյանի այն, որ անցած տարի մասնագետների մեծ հոսք է եղել Հայաստան։
«Իհարկե ավելի շատ էր կորպորոտիվ ռելոկացիան, բայց, կարծում եմ, առաջիկայում կավելանա նաև անհատական կամ մասնագիտական ռելոկացիայի հոսքը դեպի Հայաստան։ Դա հոսք էր Ռուսաստանից Հայաստան, – ասել է նա։
Նախնական գնահատականներով, նշել է Չոբանյանը, ավելի քան 500 ռուսական ընկերություններ Հայաստանում իրենց գործունեության մասին են հայտարարել։
