Փրկարարները Շիրակի մարզի Մուսայելյան գյուղից Վարդաղբյուր գյուղ տանող հատվածում արգելափակումից դուրս են բերել 10 ավտոմեքենա և 15 քաղաքացու ցուցաբերել համապատասխան օգնություն, հայտնում է ՀՀ ՆԳՆ Փրկարար ծառայությունը:
Ըստ գերատեսչության՝ ավտոմեքենաները բքի պատճառով չէին կարողանում շարունակել ընթացքը:
Հայաստանի հիդրոօդևութաբանության և մոնիթորինգի կենտրոնը հայտնել էր, որ մարտի 26-ին արևմուտքից ցուրտ ճակատի ներթափանցմամբ պայմանավորված՝ կեսօրից հետո և երեկոյան ժամերին հանրապետության ողջ տարածքում սպասվում են տեղումներ՝ Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց ձորի, Սյունիքի լեռնային գոտիներում, Գեղարքունիքում՝ ձյան տեսքով:
