Լոռու մարզի Վանաձոր-Ստեփանավան ավտոճանապարհի 8-րդ կմ-ին տեղի ունեցած ՃՏՊ-ի հետևանքով կան տուժածներ, հայտնում է ՆԳՆ փրկարար ծառայությունը։
Ըստ գերատեսչության՝ ահազանգը ստացվել է ժամը 18:02-ին, բախվել են Opel (վարորդ` Հ․ Կ․ ), BMW և Opel (վարորդ` Ա․ Հ․) մակնիշների ավտոմեքենաները։
Մինչ փրկարարների կանչի վայր հասնելը՝ BMW մակնիշի ավտոմեքենայի ուղևորը և վարորդը տեղափոխվել են բժշկական կենտրոն։
Գերատեսչությունից հավելել են, որ փրկարարները Opel մակնիշի ավտոմեքենայից դուրս են բերել երկու ուղևորի և մեկ քաղաքացու մոտեցրել շտապօգնությանը։
