Արմավիրի մարզի Էջմիածին-Մարգարա ավտոճանապարհի 8-րդ կմ-ին տեղի ունեցած վթարի հետևանքով տուժել է հինգ անձ, այդ թվում՝ երկու երեխա, հայտնում է ՀՀ ՆԳՆ փրկարար ծառայությունը։
Ըստ գերատեսչության՝ պատահարի մասին ահազանգն ստացվել է ժամը 18:51-ի սահմաններում։ Գրիբոյեդով գյուղի խաչմերուկի մոտակայքում բախվել են Nissan (վարորդ՝ Ա․ Կ․, ծնված 1981 թ.) և Honda (վարորդ՝ Հ․ Ա․, ծնված 1991 թ.) մակնիշների ավտոմեքենաները:
Վթարի հետևանքով հիվանդանոց են տեղափոխվել ավտոմեքենաների վարորդները և ուղևորներ Տ․ Ա․-ն (ծնված 1991 թ.), Մ․ Կ․-ն (ծնված 2016 թ.) և Ա․ Կ․-ն (ծնված 2016 թ.)։
