Վարչապետ Նիկոլ Փաշինյանի գլխավոր խորհրդական Արայիկ Հարությունյանն
անդրադարձել է ՀՀ երրորդ նախագահ Սերժ Սարգսյանի հարցազրույցին: Նա, մասնավորապես, հիշեցրել է հարցազրույցի այն հատվածը, որտեղ Սերժ Սարգսյանն ասում է, որ կանչել է Կարեն Կարապետյանին, հայտնել հրաժարականի որոշուման մասին, ներկայացրել հրաժարականի տեքստը ու ասել՝ գնա մեկուսարան և ընդդիմության ներկայացուցիչներին տեղյակ պահի այդ մասին:
«Իսկ իրականում ապրիլի 23-ին ինքը Կարենին ուղարկել էր մեկուսարան մի քանի տարբերակ քննարկելու համար.
1) Կլինի՞ մնամ մինչև աշուն՝ մինչև Ֆրանկոֆոնիա… Բնականաբար՝ մերժվել է:
2) Կլինի՞ ապրիլի 25-ին գնամ… Բնականաբար՝ մերժվել է:
Գնացել է ճնշման տակ՝ հենց հիմա, հենց այս պահին:
Ու սա գիտի ամբողջ թիմը, Կարեն Կարապետյանը, բայց ստում ու ստում է: Ավելի լավ չէր՝ լռեիր»,-նշել է Արայիկ Հարությունյանը: