Մայրաքաղաքի Մշակույթի և երիտասարդության պալատում Արցախի պետական ակադեմիական երգչախմբի կողմից բեմադրվել է Արմեն Տիգրանյանի «Անուշ» (Հովհաննես Թումանյանի համանուն պոեմի մոտիվներով) օպերան։ Այս մասին հայտնում է Արցախպրեսը:
«Արցախպրես»-ի թղթակցի հետ զրույցում Արցախի պետական ակադեմիական երգչախմբի դիրիժոր Նինա Գրիգորյանը, երաժշտական արվեստում որպես իրադարձություն կարևորելով բեմադրությունը, նշել է, որ այն նաև երկու գլուխգործոցի ապոթեոզ է:
![Нет описания.](https://scontent.fevn6-3.fna.fbcdn.net/v/t1.15752-9/344287923_1257042771596262_4754837520231664750_n.jpg?_nc_cat=106&ccb=1-7&_nc_sid=ae9488&_nc_ohc=WqPNxC4PNvcAX9nllNi&_nc_ht=scontent.fevn6-3.fna&oh=03_AdSr-0FvuOxW6F0V5w1tEEoo5Z6dY3Yu72rz7YdOwmeUXg&oe=648680F9)
Գլխավոր հերոսուհու դերակատար Էլինա Ջամալյանն արդեն երկրորդ անգամ է հանդիսատեսին ներկայանում Անուշի դերում:
«Միշտ երազել եմ Անուշ երգել, որն իրականություն է դարձել: Շրջափակման հետևանքով ռեժիսորը չկարողացավ գալ, փորձեցի հիշել որոշ դրվագներ ու փորձերից հետո բեմ բարձրացա»,-հավելել է Է.Ջամալյանը:
Բեմադրությանը ներկա էր Արցախի Հանրապետության կրթության, գիտության, մշակույթի և սպորտի նախարար Նորայր Մկրտչյանը: