Ադրբեջանի պաշտպանության նախարարությունը հայտարարել է Լեռնային Ղարաբաղում զինված գործողություն սկսելու մասին, հայտնում են ադրբեջանական լրատվամիջոցները:
Գերատեսչությունը Ստեփանակերտի հրետակոծությունն անվանել է «հակաահաբեկչական գործողություն» և հայտնել, որ «անցկացվող միջոցառումների մասին տեղեկացվել են Ռուսաստանի Դաշնության խաղաղապահ զորակազմի հրամանատարությունը և թուրք-ռուսական մոնիթորինգային կենտրոնի ղեկավարությունը»։
Ադրբեջանի ՊՆ-ն պնդում է, որ քաղաքացիական բնակչությունը և քաղաքացիական ենթակառուցվածքի օբյեկտները թիրախ չեն, շարքից հանվում են միայն «ռազմական թիրախները»:
Սեպտեմբերի 19-ին Ադրբեջանը լայնամասշտաբ հարձակում է սկսել Արցախի Հանրապետության նկատմամբ։ Oգտագործվում է հրետանային միջոցներ և անօդաչու թռչող սարքեր։ Ստեփանակերտի զանգվածային հրետակոծության մասին հայտնել էին Արցախի նախկին պետնախարար Ռուբեն Վարդանյանը, Արցախի բնակիչները։
