Արցախից բռնի տեղահանված անձանց ՀՀ քաղաքացիություն ստանալու վերաբերյալ դիմումների ընդունմանն աջակցելու նպատակով ՆԳՆ-ն Գեղարքունիքի մարզում ներդրել է շրջիկ ծառայություն, հայտնում է գերատեսչության մամուլի ծառայությունը։
Նշվում է հոկտեմբերի 23-ին շրջիկ խումբը ծառայություններ է մատուցել Ճամբարակ համայնքի Դրախտիկ, Շողակաթ և Դպրաբակ գյուղերում, հոկտեմբերի 24-ին՝ Վարդենիս համայնքի Գեղամասար, Սոթք, Դարանակ գյուղերում։
Նախարարությունից հավելել են , որ հոկտեմբերի 25-ին շրջիկ խումբը ծառայություններ կմատուցի Սաքենիս գյուղում՝ 10.00-12.00,
Լճավան գյուղում՝ 13.00-15.00։
2023 թվականի սեպտեմբերի 19-20-ն Արցախի վրա Ադրբեջանի հարձակումից հետո Արցախից Հայաստան բռնի տեղահանվածների թիվը գերազանցել էր 100 հազարը։
2023 թվականի հոկտեմբերի 26-ին Հայաստանի կառավարությունը հավանություն էր տվել Լեռնային Ղարաբաղից բռնի տեղահանվածներին փախստականի կարգավիճակին համարժեք պաշտպանության ժամանակավոր կարգավիճակ տրամադրելու մասին որոշմանը։ Լեռնային Ղարաբաղից շուրջ 3 հազար փախստական բռնագաղթից հետո ստացել էր Հայաստանի քաղաքացիություն, այսինքն՝ տեղահանվածների 3%-ից քիչը։ Օգոստոսի վերջի դրությամբ՝ Հայաստանի քաղաքացիություն ստանալու դիմում է ներկայացրել մոտ 4300 տեղահանված անձ։