ՌԴ ՆԳՆ-ն դեկտեմբերի 29-ից կսկսի աշխատանքային միգրանտներին և երկարատև ժամանակով Ռուսաստան ժամանած օտարերկրացիներին պլաստիկ քարտեր տրամադրել, այդ թվում՝ պարտադիր մատնադրոշմների և լուսանկարների մասին տեղեկատվության էլեկտրոնային կրիչ: Այս մասին ասված է ՆԳՆ հրամանագրի նախագծում:
Էլեկտրոնային կրիչով պլաստիկ քարտերը տրամադրվելու են տեխնիկական հնարավորության առկայության դեպքում, մնացած դեպքերում փաստաթուղթը ձևակերպվելու է առանց դրա:
«Սույն հրամանագիրն ուժի մեջ է մտնում 2021 թվականի դեկտեմբերի 29-ից»,- ասված Է փաստաթղթում:
Դիմերեսին կտեղադրվի 30-ը 40 մմ չափի օտարերկրյա քաղաքացու գունավոր կամ մոնոխրոն ( սև-սպիտակ) լուսանկարը: Այն կպարունակի փաստաթղթի նույնականացման համարակալումը, ազգանունը, անունը, հայրանունը, ծննդյան ամսաթիվը և սեռը: Հակառակ կողմում նշված կլինեն տեղեկություններ օտարերկրացու քաղաքացիության, անձը հաստատող փաստաթղթի մասին։
