Տեխասի Սուրբ Սարգիս հայկական եկեղեցին World-architects.com-ի վարկածով 2022 թվականին ճանաչվել է Միացյալ Նահանգների լավագույն շինությունը։
Հունվարին ամերիկացի ճարտարապետների շրջանում անցկացված 2022 թվականի ԱՄՆ-ի «Տարվա շինություն» հարցումը պարզել է, որ հայկական եկեղեցին 40 շենքերից հաղթող է ճանաչվել ձայների զգալի տարբերությամբ՝ մոտավորապես 64 տոկոսով:
Սուրբ Սարգիս եկեղեցին օծվել է 2022 թվականի ապրիլի 23-ին, իսկ կիրակնօրյա առաջին ժամերգությունը եկեղեցում մատուցվել է ապրիլի 24-ին՝ 1915 թվականի Հայոց ցեղասպանության 1,5 միլիոն զոհերի հիշատակի օրը։ Ճարտարապետ Դեյվիդ Հոթսոնի կողմից նախագծված եկեղեցին հասնում է շատ ավելի հին ժամանակների և ձգվում է հազարավոր կիլոմետրեր աշխարհով մեկ՝ կապվելու հայկական ավանդույթների և ժողովրդի հետ:
Եկեղեցու ձևավորումն արված է՝ հաշվի առնելով Հայ ուղղափառ Եկեղեցու պատմությունն ու ավանդույթները, որոնք սկիզբ են առնում Հայաստանի մայրաքաղաք Երևանի մոտ գտնվող 7-րդ դարի Սուրբ Հռիփսիմե եկեղեցուց և ցեղասպանության հիշատակը հավերժացնում է Հայոց ցեղասպանության զոհերի թիվը խորհրդանշող հայկական «կենաց ծառի» պատկերակի պատկերով, որը բաղկացած է ուղիղ 1,5 միլիոն ճյուղերից։
«Ինձ համար մեծ պատիվ է, որ Սուրբ Սարգիս հայկական եկեղեցին ստացավ այս ճանաչումը, պատիվ, որը ես կիսում եմ ծրագրի ողջ թիմի և բոլոր նրանց հետ, ովքեր քվեարկել են նախագծի օգտին, հատկապես հայկական սփյուռքի այն ներկայացուցիչների հետ, ում համար յաս ծինությունն առանձնահատուկ նշանակություն ունի»,- ասել է եկեղեցու ճարտարապետ Դեյվիդ Հոթսոնը այն բանից հետո, երբ իմացել է, որ իր նախագծած հայկական եկեղեցին 2022 թվականին ճանաչվել է ԱՄՆ լավագույն շենք։
Հոթսոնը կարծում է, որ եկեղեցու ճանաչումը կօգնի ԱՄՆ-ում բարձրացնել իրազեկվածությունն աշխարհի ամենահին քրիստոնյա ազգի պատմության և քրիստոնյա հայերի նկատմամբ հալածանքների մասին, որոնք «այսօր դեռ շարունակվում են Լեռնային Ղարաբաղում»: Անցած տարի Վաշինգտոնում գտնվող Մարտին Լյութեր Քինգ կրտսերի հուշարձանը ճանաչվել էր ԱՄՆ-ի տարվա լավագույն շինություն:
