Ռուսական բուհերում սովորող հայաստանցի ուսանողները կարող են ստանալ Тинькофф-ի կրթաթոշակ

Тинькофф-ն ընդլայնում է տարեկան կրթաթոշակային ծրագիրը տաղանդավոր ուսանողների համար: Այժմ Тинькофф-ի կրթաթոշակ կարող են ստանալ ռուսական բուհերում սովորող հայաստանցի ուսանողները։

Այս տարի մասնակիցների թիվը կաճի 2,5 անգամ՝ հասնելով 200-ի։ Ծրագրի ընդհանուր բյուջեն կկազմի մոտ 60 մլն ռուբլի։

Тинькофф-ի կրթաթոշակային ծրագիրը ՌԴ խոշորագույն ոչ պետական կրթաթոշակներից մեկն է։ 2023 թվականին ծրագրին, բացի գոյություն ունեցող «Մշակումներ» և «Վերլուծություն» ուղղություններից, կավելացվի «Տեղեկատվական անվտանգությունը»՝ ցանկացած ոլորտի, այդ թվում՝ ֆինանսական, տեխնոլոգիական ընկերություններում ամենահրատապ և պահանջված ուղղություններից մեկը։

Բոլոր երեք ուղղություններով դիմումներ ներկայացնելիս հաշվի են առնվում ակնառու ակադեմիական նվաճումները, համառուսաստանյան և միջազգային մակարդակի օլիմպիադաներին մասնակցությունը, ծրագրավորման և հաքաթոնների առաջնություններում մրցանակային տեղերը, հրատարակությունները և մասնակցությունը գիտական գիտաժողովներին, սեփական նախագծերի վրա աշխատելը (pet-project) և այլ նախաձեռնություններ:

Կրթաթոշակի համար կարող են դիմել Ռուսաստանի ցանկացած համալսարանների մասնագիտացված, բակալավրիատի և մագիստրատուրայի  լրիվ դրույքով ուսանողները՝ անկախ քաղաքացիությունից:

Բացի 25,000 ռուբլի ամսական վճարումից, կրթաթոշակառուները կրթաթոշակն ավարտելուց հետո Тинькофф-ում պրակտիկայի կամ աշխատանքի համար առաջարկ են ստանում։

Բացի այդ, ծրագրի մասնակիցները դառնում են տաղանդավոր ռուս ուսանողների համայնքի մի մասը, որի շրջանակներում նրանք աջակցություն են ստանում Тинькофф-ի փորձառու մենթորներից, ինչպես նաև մուտք դեպի փակ միջոցառումներ և ընկերության կրթական նյութեր՝ դասընթացներ, դասախոսություններ և գիտելիքների բազաներ:

«Արդեն երկրորդ տարին անընդմեջ մենք սկսում ենք կրթաթոշակային ծրագիր, որը հնարավորություն է տալիս տաղանդավոր ուսանողներին կենտրոնանալ ուսման և ակադեմիական աշխատանքի վրա»,- նշում է  Тинькофф-ի փոխնախագահ, բիզնես տեխնոլոգիաների տնօրեն Կոնստանտին Մարկելովը։

Ըստ նրա՝ կրթաթոշակի մեկնարկից ի վեր բացահայտվել է դրա մի շարք ակնառու առավելությունները։ «Մենք արդեն երկար տարիներ զարգացնում ենք Тинькофф-ի կրթական ծրագրերը, իսկ անցյալ տարի՝ բացելով կրթաթոշակ, տեսանք, թե որքան պահանջված է այս նախաձեռնությունը։ Մեզ մոտ ավելի քան 14 հազար հայտ է ստացվել ՌԴ 54 շրջաններից, ուստի որոշեցինք զգալիորեն ընդլայնել ծրագիրը։ Այս տարի 200 մարդ կարող է հավակնել ֆինանսական աջակցության, որը ոչ միայն կօգնի հրաժարվել կես դրույքով աշխատանքից և ազատել ուսման ժամանակը, այլև առաջին քայլերն անել կարիերայում՝ շնորհիվ մեր մենթորների»,- նշել է նա։

Ապագայում, ըստ Մարկելովի, ընկերությունը կշարունակի  աջակցել տեխնոլոգիաներով տարված երեխաներին, կընդլայնի ծրագիրը, կավելացնի նոր ուղղություններ, կուժեղացնի մենթորության և փորձի ու գաղափարների փոխանակման համար կրթաթոշակային համայնքի ստեղծման աշխատանքները։

Կրթաթոշակի մրցույթին մասնակցելու համար անհրաժեշտ է:

• Մինչև ապրիլի 23-ը լրացրեք հայտը, վերբեռնեք փաստաթղթերը և Тинькофф կրթության կայքում անցեք որակավորման քննություն: Որակավորման թեստը բաղկացած է ծրագրավորման, մաթեմատիկայի կամ տեղեկատվական անվտանգության մի քանի առաջադրանքներից։ Այն տեղի է ունենում առցանց և տևում է մինչև 4 ժամ:

• Առցանց հարցազրույցներ անցկացվի կազմկոմիտեի անդամների հետ:
  

Կրթաթոշակային ծրագրի հաղթողներին կընտրեն փորձագիտական խորհրդի անդամները, որի կազմում են Тинькофф-ի թոփ-մենեջերները, ՏՏ ոլորտի հայտնի գործարարները, ինչպես նաև գիտական, կրթական և հասարակական կազմակերպությունների ներկայացուցիչներ: 2022 թվականին Ռուսաստանի 23 քաղաքներից 80 բակալավրի և մագիստրոսի ընտրության արդյունքում Тинькофф-ից ստացել են ֆինանսական և մենթորական աջակցություն։

Հետադարձ կապ՝ 

Ալեքսանդր Լեոնով, հեռ՝ + 7 495 648-10-00, լրացուցիչ՝ 35738

Էլ. հասցե՝ [email protected]Тинькофф.ru։

Тинькофф էկոհամակարգի մասին

Тинькофф-ը ֆինանսական առցանց էկոհամակարգ է, որը կառուցված է հաճախորդի կարիքների շուրջ:

Тинькофф էկոհամակարգը ֆիզիկական անձանց և բիզնեսի համար տրամադրում է ֆինանսական ծառայությունների ամբողջական փաթեթ: Էկոհամակարգը հաճախորդներին հնարավորություն է տալիս վերլուծել և պլանավորել անձնական ծախսերը, ներդրումներ կատարել խնայողություններում, բոնուսներ ստանալ տարբեր ծրագրերի շրջանակներում, ամրագրել ճանապարհորդություններ, գնել կինոյի տոմսեր, ամրագրել ռեստորանային սեղաններ և այլն: Тинькофф-ը նաև առաջարկում է մի շարք առավելություններ.

Тинькофф-ի բոլոր ծառայությունները հասանելի են բջջային հավելվածների և Тинькофф.ru կայքի միջոցով։ 

Тинькофф-ը մասնաճյուղեր չունի. սեփական ներկայացուցիչների ցանցը թույլ է տալիս ընկերության արտադրանքը հնարավորինս սեղմ ժամկետում հասցնել երկրի ցանկացած տարածաշրջան, իսկ հաճախորդներին սպասարկում են առցանց ալիքների և կոնտակտային կենտրոնի միջոցով: Тинькофф-ն իրականացնում է AIBanking ռազմավարությունը, ինչը թույլ է տալիս Тинькофф-ի բոլոր հաղորդակցություններում օգտագործել արհեստական ինտելեկտի և մեքենայական ուսուցման տեխնոլոգիաները: Ձայնային օգնական Օլեգը հաճախորդների զանգերի ավելի քան 40%-ը մշակում է չաթերում՝ առանց բանկի աշխատակիցների մասնակցության, իսկ կոնտակտային կենտրոնում հաճախորդի հարցը լուծում է միջինը 40 վայրկյանում։

Тинькофф-ի ներքին ՏՏ համակարգերի բոլոր ապրանքների մեծ մասը մշակվել են հենց ընկերության կողմից: Շտաբի աշխատակիցների 80%-ը ՏՏ մասնագետներ են։

Էկոհամակարգի առանցքը 2006 թվականին հիմնադրված Тинькофф Bank-ն աշխարհի ամենամեծ անկախ առցանց բանկն է, որը սպասարկում է ավելի քան 20 միլիոն հաճախորդների: Тинькофф-ն ակտիվ հաճախորդների թվով դարձել է ՌԴ երրորդ խոշորագույն բանկը։

Բանկը ճանաչվել է «Կենտրոնական և Արևելյան Եվրոպայի ամենանորարար թվային բանկ» (GlobalFinance, 2021), «Աշխարհի լավագույն առցանց մանրածախ բանկ» (GlobalFinance, 2018, 2020), «Ռուսաստանի լավագույն առցանց բանկ» (TheBanker, 2020), «Կենտրոնական և Արևելյան Եվրոպայի լավագույն թվային բանկ» (EuromoneyAwardsforExcellence 2021): 2020 թվականին Тинькофф-ը Forbes ամսագրի կողմից ընդգրկվել է «Ռուսաստանի լավագույն գործատուների» թոփ-3-ում։

Բանկի մայր ընկերությունը՝ TCS GroupHolding PLC  գործարքներ է կատարում է Մոսկվայի բորսայում: TCS GroupHolding PLC-ի զուտ շահույթը  2021 թվականին կազմել է 63,4 միլիարդ ռուբլի, կապիտալի եկամտաբերությունը՝ 42,5%: