Հայաստանի արտգործնախարարության նախկին մամուլի քարտուղար Վահան Հունանյանը շուտով նոր պաշտոն կստանա, գրում է «Հրապարակ»-ը։ Նա պատրաստվում է դեսպան նշանակվել Լեհաստանում։
Այժմ, ըստ հրապարակման, այդ պաշտոնն զբաղեցնում է Սամվել Մկրտչյանը, սակայն նրա պաշտոնավարման չորս տարին լրացել է 2022 թվականին և, ըստ օրենքի, եթե դիվանագետը հետ չի կանչվում, նա շարունակում է զբաղեցնել այդ պաշտոնը։
Հունանյանը, որից աղբյուրը փորձել է ճշտել այս տեղեկությունը, չի պատասխանել զանգերին ու նամակներին։ Արտաքին գործերի նախարարության նոր մամուլի քարտուղար Անի Բադալյանը ոչ հերքել, ոչ էլ հաստատել է այս տեղեկությունը։
Հունանյանը մարտի 13-ին հայտարարել էր, որ հրաժարական է ներկայացրել իր կամքով։ Նա նշել էր նաև ԱԳՆ նոր մամուլի քարտուղարի անունը՝ Բադալյան։ Հաջողություն մաղթելով իր իրավահաջորդին՝ նա հավելել էր, որ շարունակելու է դիվանագիտական ծառայությունն ԱԳՆ համակարգում։
