Տիգրան Պետրոսյանի անվան շախմատի տանը այսօր կայացել է Հայաստանի տղամարդկանց առաջնության վերջին խաղափուլը: Վերջին խաղափուլից առաջ մրցաշարային աղյուսակը 7 միավորով միանձնյա գլխավորում էր Մանուել Պետրոսյանը։
Շախմատի ֆեդերացիայից տեղեկացնում են, որ Մանուել Պետրոսյանը Հայաստանի 2022 թվականի չեմպիոն է դարձել:
Մանուել Պետրոսյանի մանկությունն անցել է Ստեփանակերտում։ Շախմատ խաղալ սովորել է պապից` 3-4 տարեկանում։ Ծննդավայրում սկսել է հաճախել շախմատի դպրոց, իսկ 6 տարեկանից արդեն մարզվել է լուրջ մարզչի մոտ։ 11 տարեկանում ընտանիքի հետ տեղափոխվել է Երևան: Երևանում Մանուելը սկսել է պարապել շախմատի ակադեմիայում:
Մանուել Պետրոսյնը մի շարք միջազգային կոչումների է արժանացել: Նա նաև 2018 թվականի Հայաստանի արագ շախմատի չեմպիոնն է: