Ռուսաստանաբնակ հայազգի թենիսիստ Կարեն Խաչանովը դուրս է եկել Փարիզի Roland Garros մրցաշարի 1/4 եզրափակիչ, այս մասին հայտնել է «Interfax»-ը։
Հունիսի 4-ին կայացած մրցաշարի չորրորդ շրջանում Խաչանովը հաղթել է Իտալիայի ներկայացուցիչ Լորենսո Սոնեգոյին: Հանդիպումն ավարտվել է 1:6, 6:4, 7:6 (9:7), 6:1 հաշվով՝ հօգուտ Խաչանովի։ 1/4 եզրափակչում Խաչանովը կարող է հանդիպել աշխարհի երրորդ ռակետ սերբ Նովակ Ջոկովիչի հետ, եթե վերջինս հաղթի պերուացի Խուան-Պաբլո Վարիլյասին:
Roland Garros-ը մտնում է «Մեծ սաղավարտ» մրցաշարերի շարքի մեջ: Մրցաշարի ընդհանուր մրցանակային ֆոնդը 2023 թվականին կազմել է 49,6 միլիոն եվրո։ Տղամարդկանց և կանանց մենախաղերի հաղթողները կստանան 2,3-ական միլիոն եվրո և 2000 միավոր՝ վարկանիշային աղյուսակում: Եզրափակիչի մասնակիցները կվաստակեն 1 մլն 150 հազար եվրո և 1200 միավոր վարկանիշների հաշվարկով: