Հայաստանի շախմատի ֆեդերացիան հրապարակել է 2024 թվականի դեկտեմբերի 1-ի դրությամբ Հայաստանի լավագույն շախմատիստներին և շախմատիստուհիներին ըստ դիրքերի:
Տղամարդկանց տասնյակը գլխավորել է Հայկ Մարտիրոսյանը, Շանթ Սարգսյանը և Հրանտ Մելքումյանը զբաղեցրել են համապատասխանաբար երկրորդ և երրորդ տեղերը։ Տասնյակում ընդգրկվել են նաև Գաբրիել Սարգիսյանը, Ռոբերտ Հովհաննիսյանը, Արամ Հակոբյանը, Կարեն Գրիգորյանը, Մանուել Պետրոսյանը, Սամվել Տեր-Սահակյանը, Սերգեյ Մովսեսյանը։
Լավագույն տասնյակը գլխավորել է Էլինա Դանիելյանը։ Երկրորդ և երրորդ տեղերը զբաղեցրել են Լիլիթ Մկրտչյանն ու Աննա Սարգսյանը։ Լավագույն տասնյակում ընդգրկվել են նաև Մարիամ Մկրտչյանը, Մարիա Գևորգյանը, Սուսաննա Գաբոյանը, Աննա Խաչատրյանը, Մարիամ Ավետիսյանը, Անի Ավետիսյանը և Պոլինա Կոբակը։
