Բրիտանական Daily Mail թերթի ընթերցողներն ակտիվորեն քննարկում են ԱՄՆ նախագահ Ջո Բայդենի՝ նախօրեին Աֆղանստանում տիրող իրավիճակին նվիրված մամուլի ասուլիսի ժամանակ արված լուսանկարը, փոխանցում է «РИА Новости»-ն:
Բայդենին նկարահանել են Fox News-ի լրագրողի հետ բանավեճի ժամանակ, որը խստորեն քննադատել է Աֆղանստանից ԱՄՆ-ի զորքերի դուրսբերման կազմակերպումը, որտեղ ԻՊ-ի ահաբեկիչների գրոհների հետևանքով զոհվել են 13 ամերիկացի զինծառայողներ և բազմաթիվ խաղաղ բնակիչներ: Օգտատերերի մեծ մասը կասկածի տակ է դրել ԱՄՆ նախագահի անկեղծությունը՝ նշելով, որ նա դժվար թե հասկանա տեղի ունեցածի լրջությունը։
«Նա ընդհանրապես գիտակցո՞ւմ է այդ ամենի ճշմարտացիությունը, որ մարդիկ են զոհվում, իսկ իրավիճակը շարունակում է թեժանալ։ Հեռացրեք այս հիմարին Սպիտակ տնից և վերադարձրեք Թրամփին, քանի դեռ Ամերիկան ևս մեկ պատերազմ տանուլ չի տվել»,- կոչ է արել P. Botter-ը։
«Նա թքած ունի։ Իր քաղաքական կարիերայի ընթացքում նա ոչնչի չի հասել, միայն բազմապատկել է իր կարգավիճակը»,- կարծում է Laliem-ը։ «Ինչու ոչ ոք դեռ չի ստիպել նրան անցնել ճանաչողական ունակությունների թեստ»,- հարցնում է The snitch մականունով ընթերցողը։
Ամերիկացի զինվորականների դուրսբերումը պետք է ավարտվի մինչև օգոստոսի 31-ը: Մինչ այդ «Թալիբան» շարժման գրոհայինները վերահսկողության տակ են վերցրել երկրի գրեթե ողջ տարածքը։ Թալիբներին դիմադրության միակ օջախը մնում է Փանջշերի նահանգը։
