«Աէրոֆլոտի» վեց օդաչու տարբեր ժամանակներում աշխատանքից հեռացվել են և արձակուրդի ուղարկվել առանց վարձատրության, քանի որ հրաժարվել են պատվաստվել կորոնավիրուսի դեմ։ Այս մասին RBK-ին հայտնել է ավիաընկերության ներկայացուցիչ Միխայիլ Դեմինը:
Նրա խոսքով՝ «Աէրոֆլոտում», ընդհանուր առմամբ, աշխատում է 2,300 օդաչու:
Կասեցման մասին երկուշաբթի հայտարարել է «Շերեմետևո» թռիչքային անձնակազմի արհմիությունը: «Աէրոֆլոտի» գործադիր տնօրեն Միխայիլ Պոլուբոյարինովին ուղղված ուղերձում արհմիության նախագահ Իգոր Դելդուժովը տեղեկացրել է, որ ավիաընկերությունն իր աշխատակիցների շրջանում իրականացրել է տեղեկատվական աշխատանքներ «Ռոսպոտրեբնադզորի» կողմից սահմանված COVID-19-ի կանխարգելման վերաբերյալ: Արդյունքում պատվաստվել է աշխատակիցների 84%-ը:
«Ինչ վերաբերում է չպատվաստված օդաչուներին, ապա տրվում են աշխատանքներն առանց վարձատրության դադարեցնելու հրամաններ, չնայած ոչ ոք գործատուին չի պարտավորեցրել նման միջոցներ ձեռնարկել»,- նշել է արհմիությունը: Իսկ «Աէրոֆլոտի» այլ ստորաբաժանումների չպատվաստված աշխատակիցները շարունակում են աշխատել, ինչն ակտիվիստները խտրականություն են դիտարկում:
