Արևմտյան երկրների կառավարություններին չի կարելի վստահել, РИА новости-ի փոխանցմամբ՝ հայտարարել է Թուրքիայի նախագահ Ռեջեփ Թայիփ Էրդողանը՝ Վանում երիտասարդության ներկայացուցիչների հետ հանդիպման ժամանակ:
«Մենք Հունաստանին հարցնում ենք, թե ինչո՞ւ եք ռազմակայաններ կառուցել։ Նրանք մեզ բովանդակալից պատասխան են տալիս՝ «ընդդեմ Ռուսաստանի»։ Իսկ ի՞նչ եք արել Ուկրաինային աջակցելու համար, եթե դուք դեմ եք Ռուսաստանին։ Այս ամենը սուտ է։ Այդ Արևմուտքին չի կարելի վստահել», – ասել է Էրդողանը։
Նա նշել է, որ արևմտյան երկրների հետ կարելի է համագործակցել գիտության կամ արվեստի, բայց ոչ քաղաքականության ոլորտներում։ Թուրքիայի նախագահը հիշեցրել է, որ Բրյուսելն արդեն երկար տարիներ չի կարողանում վերջնականապես լուծել Թուրքիայի՝ Եվրամիությանն անդամակցելու հարցը։