Ֆլորենցիայում 83 տարեկան հասակում երկարատև հիվանդությունից հետո մահացել է աշխարհահռչակ դիզայներ Ռոբերտո Կավալին, հայտնում են իտալական լրատվամիջոցները:
Կավալին ունի վեց երեխա, ամենափոքրը՝ մեկ տարեկան Ջորջիոն է:
Կավալիին բնորոշում են որպես հայտնիների ամենացանկալի դիզայներ: Նա պարծենում էր այնպիսի հաճախորդներով, ինչպիսիք են Լենի Կրավիցը, Մադոննան, Դրյու Բերիմորը, Քրիստինա Ագիլերան, Վիկտորիա Բեքհեմը և Շերոն Սթոունը։ Կավալին արտահայտում էր նոր հազարամյակի ոգևորությունն ու լավատեսությունը. նրա հագուստը լի է էներգիայով, վճռականությամբ, սադրանքով:
2015-ին նա թողել է ապրանքանիշի ղեկավարումը, այնուհետև խոստովանել ստեղծագործությանը վերադառնալու իր մշտական ցանկությունը։ Cavalli ապրանքանիշը տարբերվում է հագուստից մինչև աքսեսուարներ, արևային ակնոցներից մինչև ժամացույցներ, ներքնազգեստից մինչև խմիչքներ:
Նա կյանքի վերջին տարիներն անցկացրել է իրենից 40 տարով փոքր Սանդրա Նիլսոնի և իր շատ մեծ ընտանիքի՝ երեխաների և տասնյոթ թոռների հետ:
