Արքայազն Հարիի կինը՝ Մեգան Մարքլը, Instagram-ում բացել է նոր հաշիվ և կիսվել առաջին տեսանյութով, հայտնում է Associated Press-ը։
Ըստ AP-ի՝ @meghan մականունով հաշիվը պատկանում է Մարքլին։ Այժմ էջին արդեն բաժանորդագրվել է ավելի քան 620 հազար մարդ։
Էջի առաջին հրապարակումը կարճ տեսանյութ է, որտեղ Մարքլը սպիտակ վերնաշապիկով վազում է լողափով, մատներով ավազի վրա նկարում «2025», ժպտում և կարճ նայում տեսախցիկին:
2020 թվականին արքայազն Հարին և Մարքլը հրաժեշտի գրառում էին հրապարակել Instagram-ում՝ Սասեքսի թագավորական էջում։ Նրանք շնորհակալություն էին հայտնել իրենց հետևորդներին և համախոհներին աջակցության և ոգեշնչման համար, ինչպես նաև հայտարարել, որ կդադարեցնեն այդ հաշվի թարմացումը։ 2019թ․ նրանք հրաժարվել էին թագավորական պարտականությունների կատարումից։
