ՀՀ կառավարությունն այսօրվա՝ փետրվարի 11-ի նիստում առաջարկվեց հանձնարարել Շիրակի մարզպետին ՀՀ պետական բյուջեից տրամադրված դրամական միջոցների հաշվին առուվաճառքի պայմանագրով վառելափայտ ձեռք բերել «Հայանտառ» ՊՈԱԿ-ից, կազմակերպել յուրաքանչյուր ընտանիքին մեկական խոր․մ վառելափայտի տրամադրումը՝ նախարարության տրամադրած ցուցակների հիման վրա։
Երեք աշխատանքային օրվա ընթացքում նախարարությունը ՀՀ կառավարություն կներակայացնի բնաիրային օգնության տրամադրման ծրագրի ֆինանսավորման նպատակով Հայաստանի Հանրապետության 2021 թվականի պետական բյուջեում վերաբաշխում կատարելու վերաբերյալ:
Շիրակի մարզը ՀՀ-ում ամենախիստ բնակլիմակայական պայմաններ ունեցող մարզն է, որտեղ բավականին մեծաթիվ են նաև ոչ հիմնական շինություններում բնակվող, սոցիալապես անապահով ընտանիքները։
Ընտանիքների անապահովության գնահատման համակարգում ՀՀ-ում հաշվառված են «տնակ» և «ոչ հիմնական (ժամանակավոր) շինություն» ծածկագրերով 4026 ընտանիք, որոնցից նպաստառու են 3465-ը:
Սոցիալապես անապահով ընտանիքներին, որոնք բնակվում են ոչ հիմնական շինություններում, ձմեռային ամիսներին ջեռուցման հարցերում աջակցություն տրամադրելու նպատակով առաջարկվում է որպես բնաիրային օգնություն տրամադրել վառելափայտ։
Հաշվի առնելով, որ ձմեռային ամիսներին ընտանիքները ջեռուցման նպատակով օգտագործում են շուրջ 15 խոր․մ փայտ, ինչը նշանակում է, որ Շիրակի մարզի ջեռուցվող 6 ամիսներից մնացած 3 ամսվա համար անհրաժեշտ կլինի ոչ ավելի 7 խոր․մ վառելափայտ։
