Երևան քաղաքի ընդհանուր իրավասության դատարանի քիչ առաջ որոշում է կայացրել բավարարել Դավիթ Գալստյանին կալանավորելու վերաբերյալ Ազգային անվտանգության ծառայության միջնորդությունը։ Զենք մատակարարող ընկերության տնօրեն Դավիթ Գալստյանը, որը հայտնի է «Պատրոն Դավո» մականվամբ, երկու ամսով կալանավորվել է։ Այս մասին հաղորդում են մի շաքր լրատվամիջոցներ։
Նշենք, որ մի քանի օր է, ինչ ԶԼՄ-երով տեղեկություն էր շրջանառվում, որ ՊՆ նախկին մի շարք պաշտոնյաների նկատմամբ պաշտոնական անփութության վերաբերյալ հոդվածով մեղադրանքներ են նախապատրաստվում։
Այսօր ավելի վաղ՝ ԱԱԾ-ն հաղորդագրություն էր տարածել՝ տեղեկացնելով, որ առանձնապես խոշոր չափերի հափշտակություն կատարելու կասկածանքով ձերբակալվել են 2018-2020 թվականներին ՀՀ պաշտպանության նախարարի պաշտոնը զբաղեցրած Դավիթ Տոնոյանը, ինչպես նաև մատակարար կազմակերպության տնօրեն Դավիթ Գալստյանը: Վերջիններս առանձնապես խոշոր չափերով՝ 2,277,323,840 ՀՀ դրամ գումար հափշտակելու և կեղծիքներ, հանրորեն վտանգավոր արարքներ կատարելու համար ներգրավվել են որպես մեղադրյալ։
Դատարանը որոշմամբ այսօր 2 ամսով կալանավորվեց նաև ՊՆ նախկին նախարար Դավիթ Տոնոյանը։