ՆԱՏՕ-ի գագաթնաժողովը կընդունի նոր ռազմավարական հայեցակարգ, որը Ռուսաստանին կկոչի ուղղակի սպառնալիք դաշինքի համար և կդառնա ՆԱՏՕ-ի ապագայի կառուցման նախագիծ: Այս մասին չորեքշաբթի հայտարարել է ՆԱՏՕ-ի գլխավոր քարտուղար Յենս Ստոլտենբերգը՝ ժամանելով Մադրիդում ՆԱՏՕ-ի գագաթնաժողովին, փոխանցում է TACC-ը։
«Մենք կընդունենք նոր ռազմավարական հայեցակարգ մեր դաշինքի համար, որը կդառնա նախագիծ, թե ինչպես տանել դաշինքը դեպի ապագա ավելի մրցունակ և վտանգավոր աշխարհ և ինչպես ապահովել ՆԱՏՕ-ի և նրա գրեթե մեկ միլիարդ քաղաքացիների անվտանգությունը»,- ասել է Սթոլթենբերգը։
Նա հիշեցրեց, որ նախորդ ռազմավարական հայեցակարգն ընդունվել է 2010 թվականին, և դրանում Ռուսաստանը ռազմավարական գործընկեր է անվանվել։
«Ռազմավարական նոր հայեցակարգը Ռուսաստանին անվանելու է դաշինքի անվտանգության գլխավոր սպառնալիք»,- ընդգծել է Հյուսիսատլանտյան դաշինքի գլխավոր քարտուղարը։
Նա նաեւ նշել է, որ ՆԱՏՕ-ի ղեկավարները գագաթնաժողովում կվերահաստատեն իրենց հանձնառությունը պաշտպանական ծախսերի ավելացմանը:
