Ֆրանսիայի ԱԳՆ-ն հայտարարել է, որ աջակցում է Երևանի և Բաքվի միջև բանակցությունների շարունակմանը։ Այս մասին հայտնում է Ֆրանսիայի ԱԳՆ կայքը։
«Ֆրանսիան նախկինի պես շարունակում է լիովին աջակցել Հայաստանի և Ադրբեջանի ղեկավարների միջև բանակցությունների շարունակմանը Բրյուսելի, Պրահայի և Վաշինգտոնի հանդիպումներից հետո»,- ասվում է այն հարցի պատասխանում, թե Փարիզը տարբերակներ կառաջարկի՞ նախագահ Էմանուել Մակրոնի մասնակցությամբ Նիկոլ Փաշինյանի և Իլհամ Ալիևի հանդիպման կազմակերպման համար։
Ադրբեջանի նախագահ Իլհամ Ալիևն ավելի վաղ հայտարարել էր, որ դեկտեմբերի 7-ին Բրյուսելում նախատեսված իր հանդիպումը ՀՀ վարչապետ Նիկոլ Փաշինյանի հետ չի կայանա, քանի որ հանդիպմանը հայկական կողմը պահանջել է Ֆրանսիայի նախագահ Էմանուել Մակրոնի մասնակցությունը։