ՀԱՊԿ անդամ պետությունների խորհրդարանների արտաքին հարաբերությունների, պաշտպանության և անվտանգության հարցերի հանձնաժողովների նախագահների խորհրդակցությանը մասնակցելու համար ԱԺ նախագահ Ալեն Սիմոնյանը 2023 թվականի հունվարի 31-ից փետրվարի 1-ը Մոսկվա է գործուղել ԱԺ մի շարք աշխատակիցների։ Այս մասին տեղեկանում ենք ԱԺ կայքից։
Ըստ հրամանագրի՝ Ազգային ժողովի նախագահի տեղակալ Հակոբ Արշակյանը, Ազգային ժողովի պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը, Ազգային ժողովի արտաքին հարաբերությունների մշտական հանձնաժողովի նախագահ Էդուարդ Աղաջանյանը եւ Ազգային ժողովի աշխատակազմի արտաքին կապերի վարչության միջազգային կազմակերպությունների բաժնի գլխավոր մասնագետ Սոֆյա Մացականյանը կմեկնեն գործուղման:
Գործուղման հետ կապված ծախսերը` ճանապարհածախսը և օրապահիկը կատարվում է Հայաստանի Հանրապետության 2023 թվականի պետական բյուջեով Ազգային ժողովին այդ նպատակի համար հատկացված միջոցների հաշվին։
