Եվրոպական խորհուրդն իր կայքում ուղղել է ԵԽ նախագահ Շառլ Միշելի հայտարարության տեքստը Բրյուսելում Հայաստանի և Ադրբեջանի ղեկավարների բանակցություններից հետո։
Կայքում հրապարակված հայտարարության սկզբնական տարբերակում այն հատվածում, որը վերաբերում է երկու երկրների ղեկավարների կողմից Հայաստանի և Ադրբեջանի տարածքային ամբողջականությանը հավատարմության վերահաստատմանը, Ադրբեջանի տարածքը նշված է եղել 89600 քմ. կմ.
Նույն ցուցանիշը հնչեցրեց Շառլ Միշելը` ընթերցելով բանակցությունների արդյունքներով հայտարարություն. Ելույթի տեսագրությունը տեղադրվել է Եվրոպական խորհրդի կայքում եւ Միշելի Twitter-ում։ Ավելի ուշ Եվրոպական խորհուրդը փոխեց հայտարարության տեքստը՝ այս թիվը փոխարինելով 86600 քառ. կմ. Նշենք, որ Ադրբեջանի տարածքը կազմում է 86600 քառ. կմ՝ հաշվի առնելով ԼՂ տարածքը։
