Ադրբեջանի ԱԳՆ-ն դատապարտել է Փարիզում խաղաղության 6-րդ համաժողովի քննարկման ժամանակ արված ՀՀ վարչապետ Նիկոլ Փաշինյանի հայտարարությունը Լեռնային Ղարաբաղի հայերի էթնիկ զտումների վերաբերյալ։
Գերատեսչությունը Հայաստանի վարչապետի հայտարարությունները համարել է «զրպարտություն» և «խեղաթյուրված մեկնաբանություններ»։
«Մենք հուսով ենք, որ Հայաստանը համարժեք պատասխան կտա հարաբերությունները կարգավորելու և մոտ ապագայում խաղաղության պայմանագիր ստորագրելու Ադրբեջանի կոչերին»,- ասված է երկրի ԱԳՆ հայտարարության մեջ։
Փարիզի խաղաղության համաժողովում ՀՀ վարչապետը հայտարարել էր, որ ադրբեջանական էթնիկ զտումների հետևանքով 500 հազարից ավելի հայեր այլևս հնարավորություն չունեն ապրելու իրենց հայրենիքում։
