Սահմանն անցնում է այնտեղով, որտեղով անցնում է․ սա չափազանց կարևոր սկզբունք է․ Փաշինյան

Հայաստանի իշխանությունները հավատարիմ են այն սկզբունքին, որ Ադրբեջանի հետ սահմանն անցնում է այնտեղով, որտեղով անցնում է, ասել է ՀՀ վարչապետ Նիկոլ Փաշինյանը։

Նա այս սկզբունքն անվանել է չափազանց կարևոր։ Փաշինյանը նշել է, որ այս սկզբունքից շեղվելով՝ Հայաստանը կգնա նոր սահման ստեղծելու ճանապարհով։

«Եթե մենք գնայինք այն տրամաբանությամբ, որ այս սկզբունքից շեղվելով պետք է նոր սահմանագիծ գծենք, դա կնշանակեր, որ ստեղծում ենք էսկալացիայի և ռազմական բախումների ուղղակի հարատև աղբյուր»,- եզրափակել է Հայաստանի վարչապետը։

Տավուշի սահմանամերձ գյուղերի բնակիչները բողոքի ակցիաներ էին սկսել ՀՀ ԱԳՆ-ի՝ ապրիլի 19-ին հայտարարությունից հետո, որով Հայաստանն ու Ադրբեջանը պայմանավորվել են սահմանազատման գործընթացն սկսել Տավուշից։ Բնակիչները հայտարարել էին, որ դեմ եմ այս գործընթացում Հայաստանի զիջումներին։ Մայիսի 4-ին «Տավուշը հանուն հայրենիքի» շարժումը երթ էր սկսել դեպի Երևան, ուր հասել էին մայիսի 9-ին և նույն օրը հանրահավաք անցկացրել՝ հայտարարելով, որ պատրաստվում են ԱԺ-ում վարչապետ Նիկոլ Փաշինյանին անվստահության գործընթաց սկսել։ Սրբազանը հանրահավաքի ժամանակ կոչ էր արել մայիսի 13-ի առավոտից անհնազանդության ակցիաներ սկսել, որոնք շարունակվում են նաև մայիսի 16-ին։

Երևանն ու Բաքուն մայիսի 15-ին ստորագրել էին Տավուշում սահմանի սահմանազատման արձանագրությունը։

Մանրամասները՝ տեսանյութում։