ԱԺ-ում լրագրողների հետ զրույցում ԱԺ արտաքին հարցերի մշտական հանձնաժողովի ղեկավար Էդուարդ Աղաջանյանը հայտարարեց, որ Հայաստանը հետ չի կանգնում Ադրբեջանի հետ խաղաղության շուրջ բանակցություններից։
«Մենք չենք համարում, որ իրավիճակը փակուղային է։ Ընդհամենն արձանագրել ենք, որ կա հստակ պայմանավորվածություն և Հայաստանը հետ չի կանգնում իր պայմանավորվածություններից։ Ադրբեջանի գործելակերպը այս տեսանկյոնից նորություն չէ։ Եղել են այլ դեպքեր, երբ Ադրբեջանը հրաժարվել է նախնական պայմանավորվածությունների համաձայն հանդիպումներին ներկայանալ։ Սա այդ տեսանկյունից նորություն չէ, ինչը դրական գործընթաց չէ»,-հայտարարեց Աղաջանյանը։
Ըստ իշխանական պատգամավորի՝ պետք է աշխատենքներ տարվեն, որ դեկտեմբերին նախատեսված Փաշինյան-Ալիև հանդիպումը կայանա։
