Արևմտյան Գերմանիայում ջրհեղեղի զոհերի թիվը հասել է 103-ի, հաղորդում է Die Welt-ը:
Ռեյնլանդ-Պֆալցի դաշնային նահանգում աղետի զոհերի թիվը հասել է 60-ի: Իսկ Հյուսիսային Ռեյն-Վեստֆալիա քաղաքում առնվազն 43 մարդ է զոհվել:
«Մտավախություն կա, որ ավելի շատ զոհեր կլինեն»,- ուրբաթ առավոտյան ասաց Կոբլենցի ոստիկանության խոսնակը: Որոնողափրկարարական աշխատանքները շարունակվում են:
Երկուշաբթի օրվանից հորդառատ անձրևներ են տեղացել Գերմանիայի արևմուտքում և հարավ-արևմուտքում՝ ավերիչ ջրհեղեղի պատճառ դառնալով: Հռենոսի Ահրի և Մոսելի վտակները հեղեղել են ափերը տեղատարափ անձրևների պատճառով։
Գերմանիայի արևմուտքում գտնվող Արվայլեր թաղամասում կորած է համարվում շուրջ 1,3 հազար մարդ:
Այնուամենայնիվ, զոհվածների և վիրավորների վերաբերյալ դեռևս չկա կենտրոնացված պաշտոնական վիճակագրություն: Յուրաքանչյուր թաղամաս այն ձևավորում է առանձին, և լրատվամիջոցները, հետագայում հիմնվելով բաց աղբյուրների վրա, հավաքում են ամեն ինչ և հաշվարկում: Օդային կադրերը ցույց են տալիս, որ շատ բնակավայրեր բառացիորեն կտրված են արտաքին աշխարհից՝ ճանապարհները փակ են, տասնյակ տներ՝ ավերված: