Տարեսկզբից Թուրքիայում 50 ռուս զբոսաշրջիկ է մահացել։ Այս մասին հուլիսի 27-ին հայտարարել է ՌԴ դեսպան Ալեքսեյ Երխովը։
«Հիմնական պատճառները քրոնիկ հիվանդությունների սրումն է, առաջին հերթին՝ սիրտ-անոթային, ջրահեղձման, ճանապարհատրանսպորտային և այլ պատահարները», – ասել է նա «Россия 24» հեռուստաալիքի եթերում:
Դիվանագետը նաև նշել է, որ միայն վերջին երկու ամսում տեղի է ունեցել 10 լուրջ վթար, որոնց հետևանքով տուժել են ՌԴ-ի շուրջ 50 քաղաքացիներ:
«Իսկ վերջին ամսում նկատվել է մոռացված միտումը՝ մեր հանգստացողների շրջանում COVID — 19 հիվանդացածների հայտնաբերում։ Այժմ այդպիսիք կան 20 հոգի, հարավային նահանգներում», – հավելել է դեսպանը։
Ավելի վաղ՝ հունիսի 27-ին, հաղորդվել էր, որ ռուս զբոսաշրջիկը մահացել է Թուրքիայի հարավում տեղի ունեցած ավտովթարի հետևանքով: Միջադեպը տեղի է ունեցել Ալանիե քաղաքում։
