Կապանում զորակոչիկներին բանակ են ճանապարհել

Այսօր Գարեգին Նժդեհի հուշահամալիրում տեղի ունեցավ 2021 թվականի ձմեռային առաջին զորակոչը՝ Կապան և Քաջարան համայնքներից զինծառայության մեկնող նորակոչիկների ճանապարհման հանդիսավոր արարողությունը: Այս մասին հայտնում է Կապանի քաղաքապետարանը։ 

«Ծնողներից, հարազատներից և ընկերներից զատ՝ նորակոչիկներին պատմական վայրից Հայոց բանակ ճանապարհելու էին եկել Կապան համայնքի ղեկավար Գևորգ Փարսյանը, մարզային և համայնքային իշխանության, ուժային կառույցների ներկայացուցիչները, զինվորականները, ազատամարտիկները և այլք: Միջոցառման մուտքը յուրահատուկ էր, քանի որ այն ազդարարվեց Հայոց եռագույն դրոշով և եզրափակվեց Գարեգին Նժդեհի քաջալերող խոսքերով։