Նավասարդ արքեպիսկոպոս Կճոյանը հրավիրվել է ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն: Այս մասին տեղեկանում ենք Azdarar.am կայքից:
Նշվում է, որ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Նավասարդ արքեպիսկոպոս Կճոյանին պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր:
Ըստ հայտարարության՝ Նավասարդ արքեպիսկոպոս Կճոյանը հունվաի 11-ին պետք է ներկայանա ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն՝ ծանոթանալու գործի նյութերին, ներկայացնի իր դիրքորոշումն ու հայտարարագիրը:
Ավելի վաղ հայտնի էր դարձել, որ Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանին մեղադրանք է առաջադրվել: Քրեական գործը, որի շրաջանակներում մեղադրանք է առաջադրվել արքեպիսկոպոս Կճոյանին, շուրջ 8 տարվա պատմություն ունի։ Խոսքը տարիներ առաջ բացահայտված, սկանդալային հայտնի գործերից մեկի՝ Կիպրոսի օֆշորային գործի մասին է, որի շրջանակներում նշվում էր նաև նախկին վարչապետ Տիգրան Սարգսյանի և Նավասարդ արքեպիսկոպոս Կճոյանի անունը։ Գործարար Փայլակ Հայրապետյանը նրանց մեղադրում էր իրեն ունեզրկելու համար։
Հիշեցնենք, որ ավելի վաղ Մայր Աթոռի տեղեկատվական համակարգը հայտարարություն էր տարածել Նավասարդ արքեպիսկոպոս Կճոյանի նկատմամբ առաջադրված մեղադրանքի վերաբերյալ՝ նեկայացնելով մի շարք մտահոգություններ:
