Ադրբեջանական կողմը հանդես է եկել այսօր ավելի վաղ Շուշի-Քարին տակ ճանապարհի փակման հետ կապված պարզաբանմամբ։
Պարզվում է, որ Բնապահպանության և բնական պաշարների նախարարության հարցման հիման վրա Ադրբեջանի պաշտպանության նախարարությունը դիմել է Արցախում ռուսական խաղաղապահ ուժերի հրամանատարությանը՝ առաջարկելով նշված շրջաններ ուղարկել Ադրբեջանի համապատասխան հաստատությունների «մասնագետներ»՝ Ադրբեջանի տարածքներում «օգտակար հանածոների ապօրինի շահագործման հետաքննություն և մոնիթորինգ իրականացնելու համար»:
Նշվում է, որ ներկայումս ռուս խաղաղապահների հետ քննարկվում ենփորձագետների խմբի աշխատանքային պայմանները Ռուսաստանի խաղաղապահ ուժերի ժամանակավոր տեղակայման շրջաններում օգտակար հանածոների շահագործման «հետաքննության և վերահսկման» և «Ադրբեջանին հասցվող բնապահպանական վնասի» համար:
Նշենք, որ այսօր Արցախի տեղեկատվական շտաբից հայտնել են, որ Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ-Գորիս մայրուղին:
Նշվում է, որ միջադեպի վերաբերյալ պատշաճ տեղեկացված է Արցախում տեղակայված ռուսական խաղաղապահ զորակազմի հրամանատարությունը: Արցախի լիազոր պետական մարմինները ձեռնարկում են բոլոր հնարավոր միջոցները իրավիճակի կարգավորման ուղղությամբ:
