Անկարան կցանկանար, որ ԱՄՆ-ն իր զորքերը դուրս բերեր Սիրիայից և Իրաքից այնպես, ինչպես արեց Աֆղանստանում։ Ինչպես հաղորդում է «РИА новости»-ին, այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Իհարկե, եթե ես ընտրություն ունենայի, կցանկանայի, որ նրանք հեռանային Սիրիայից և Իրաքից ճիշտ այնպես, ինչպես նրանք դուրս բերեցին զորքերն Աֆղանստանից։ Եթե մենք ուզում ենք ծառայել խաղաղ նպատակներին, ապա իմաստ չկա մնալ այդ երկրներում։ Մենք կարող ենք թողնել այդ ժողովուրդներին, կառավարություններին, որպեսզի նրանք ինքնուրույն որոշումներ կայացնեն», – հայտարարել է Թուրքիայի նախագահը ամերիկյան CBS հեռուստաալիքին տված հարցազրույցում։
Էրդողանի խոսքով՝ Թուրքիան ներկա է Սիրիայում՝ երկիրը վերականգնելու նպատակով։